Apostolic
Writing:
Ivrim / Hebrews Chapter 1
1,
2, 3, 4, 5, 6, 7, 8, 9, 10, 11, 12, 13
Heb 1:1 האלהים אשר־דבר מקדם
פעמים רבות ובפנים שנים אל־אבתינו ביד הנביאים דבר אלינו באחרית הימים האלה ביד
בנו׃
Heb 1:2 אשר־שמו ליורש כל וגם־עשה
בידו את־העולמות׃
Heb 1:3 והוא זהר כבודו וצלם
עצמותו ונושא כל בדבר גבורתו ואחרי טהרו אתנו בנפשו מחטאתינו ישב לימין הגדלה
במרומים׃
Heb 1:4 ויגדל מאד מן־המלאכים
כאשר השם אשר נחלו יקר הוא מאשר להם׃
Heb 1:5 כי אל־מי מן המלאכים אמר
מעולם בני אתה אני היום ילדתיך ועוד אני אהיה־לו לאב והוא יהיה־לי לבן׃
Heb 1:6 ובהביאו את־הבכור שנית
לעולם אמר והשתחוו־לו כל־אלהים׃
Heb 1:7 הן למלאכים הוא אמר עשה
מלאכיו רוחות משרתיו אש להט׃
Heb 1:8 ולבן אמר כסאך אלהים עולם
ועד שבט מישר שבט מלכותך׃
Heb 1:9 אהבת צדק ותשנא רשע על־כן
משחך אלהים אלהיך שמן ששון מחבריך׃
Heb 1:10 ואמר אתה אדני לפנים הארץ
יסדת ומעשה ידיך שמים׃
Heb 1:11 המה יאבדו ואתה תעמד וכלם
כבגד יבלו׃
Heb 1:12 כלבוש תחליפם ויחלפו ואתה
הוא ושנותיך לא יתמו׃
Heb 1:13 ואל־מי מן־המלאכים אמר
מעולם שב לימיני עד־אשית איביך הדם לרגליך׃
Heb 1:14 הלא כלם רוחות השרת המה
שלוחים לעזרה בעד הבאים לרשת את־הישועה׃
1,
2, 3, 4, 5, 6, 7, 8, 9, 10, 11, 12, 13