Kefa-Alef 2:1 ועתה הסירו
מאתכם כל־רשע
וכל־מרמה וחנפה וקנאה וכל־לשון
רע׃
Kefa-Alef 2:2 וכעללים אשר
מקרוב נולדו
התאוו לחלב
השכלי והזך
למען
תגדלו־בו
לתשועה׃
Kefa-Alef 2:3 אם־אמנם
טעמתם כי־טוב
האדון׃
Kefa-Alef 2:4 אשר נגשתם
אליו אל־אבן
חיה אשר
מאסו־בה בני־האדם
והיא נבחרה
ויקרה לאלהים׃
Kefa-Alef 2:5 וגם־אתם
כאבנים חיות
נבניתם למשכן
הרוח לכהנת
קדש להעלות
זבחי־רוח
לרצון לאלהים בישוע המשיח׃
Kefa-Alef 2:6 וזה הוא שאמר
הכתוב הנני
יסד בציון אבן
פנה אבן בחן
ויקרה
והמאמין בה לא
יבוש׃
Kefa-Alef 2:7 לכן לכם
המאמינים היא
אבן היקר אבל
לסוררים האבן
אשר מאסו
הבונים היתה
לראש פנה
ולאבן נגף
ולצור מכשל׃
Kefa-Alef 2:8 והם נכשלו
יען לא שמעו
לדבר ולזאת
גם־נועדו׃
Kefa-Alef 2:9 ואתם הנכם
זרע נבחר
ממלכת כהנים
וגוי קדוש ועם
סגלה למען
תספרו תהלות
הקורא אתכם
מחשך אל־אורו
הנפלא׃
Kefa-Alef 2:10 אשר לפנים
לא־עם הייתם
ועתה עם אלהים
ואשר לפנים לא
רחמו ועתה
מרחמים׃
Kefa-Alef 2:11 חביבי
אזהירכם
כגרים
ותושבים
הנזרו מתאות הבשר
המתגרות
בנפש׃
Kefa-Alef 2:12 והיטיבו
דרככם בגוים
למען יביטו
אל־מעשיכם הטובים
ויכבדו
את־האלהים
ביום הפקדה
תחת אשר חרפו
אתכם כפעלי
און׃
Kefa-Alef 2:13 והכנעו
לכל־פקדת אדם
למען האדון
אם־למלך כראוי
לראש׃
Kefa-Alef 2:14 אם־למשלים
כראוי
לשלוחים מאתו
לנקמת פעלי און
ולתהלת עשי
טוב׃
Kefa-Alef 2:15 כי כן רצון
אלהים שתעשו
הטוב ותסכרו
את־פי אולת
האנשים אשר
אין־בם דעת׃
Kefa-Alef 2:16 כחפשים
ולא־כאלו
היתה לכם
החפשה למכסה
הרעה כי
אם־כעבדי אלהים׃
Kefa-Alef 2:17 נהגו כבוד
בכל־איש אהבו
את האחים יראו
את־אלהים
כבדו את המלך׃
Kefa-Alef 2:18 העבדים
הכנעו לפני
אדניכם
בכל־יראה לא
לפני הטובים
והענוים בלבד
כי
אם־גם־לפני
העקשים׃
Kefa-Alef 2:19 כי חסד הוא
לאיש כי־ישבע
ממררים ויענה
חנם למען דעת
האלהים׃
Kefa-Alef 2:20 כי אם־תחטאו
וסבלתם מכות
אגרוף
מה־תתהללו אבל
אם־תענו
וסבלתם
בעשותכם הטוב
חסד הוא מלפני
אלהים׃
Kefa-Alef 2:21 כי לזאת
נקראתם כי
גם־המשיח ענה
בעדכם והשאיר
לכם מופת ללכת
בעקבותיו׃
Kefa-Alef 2:22 אשר לא חמס
עשה ולא מרמה
בפיו׃
Kefa-Alef 2:23 אשר שמע
חרפתו ולא
השיב נענה ולא
גער כי אם־מסר
דינו לשפט צדק
ואת־חטאתנו
הוא נשא
בגויתו על־העץ׃
Kefa-Alef 2:24 למען נחיה
לצדקה אחרי
חדלנו
מן־החטאים׃
Kefa-Alef 2:25 אשר בחברתו נרפא לכם כי הייתם כצאן אבדות ועתה שבתם אל־הרעה פקיד נפשתיכם׃