Ketuvim Netzarim:

Shimon Kefa Alef a apak / 1 Peter Perek 5

Kefa-Alef 5:1את־הזקנים אשר בקרבכם אזהיר אני הזקן עמיתם ועד ענויי המשיח וגם־חבר לכבוד העתיד להגלות׃

Kefa-Alef 5:2 רעו את־עדר האלהים אשר תחת ידכם והשגיחו עליהם לא באנס כי אם־בנדבה (כרצון אלהים) ולא עקב בצע רע כי אם־בנפש חפצה׃

Kefa-Alef 5:3 אף־לא כרודנים בנחלת יהוה כי אם־להיות מופת לצאן׃

Kefa-Alef 5:4 ובהופעת שר הרעים תשאו עטרת הכבוד אשר לא תבל׃

Kefa-Alef 5:5 וכן גם־אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן־חן׃

Kefa-Alef 5:6 השפילו נפשכם תחת יד־אלהים החזקה למען ירומם אתכם בעתו׃

Kefa-Alef 5:7 השליכו עליו כל־יהבכם כי הוא ידאג לכם׃

Kefa-Alef 5:8 התעוררו שקדו כי יריבכם השטן מתהלך כאריה שאג ומבקש את אשר יבלע׃

Kefa-Alef 5:9 ועמדתם נגדו חזקים באמונה ודעו כי־ענוים כאלה באו גם־על־אחיכם אשר בעולם׃

Kefa-Alef 5:10 ואלהי כל־החסד אשר קרא אתכם לכבודו הנצחי במשיח ישוע אחרי ענותכם מעט הוא ישלים אתכם ויחזק ויגבר וייסד׃

Kefa-Alef 5:11 לו הכבוד והעז לעולמי עולמים אמן׃

Kefa-Alef 5:12 ביד סלונוס האח הנאמן כי כן אחשב כתבתי אליכם בדברים מעטים להזהיר אתכם ולהעיד כי חסד האלהים הזה אשר עמדתם בו אמת הוא׃

Kefa-Alef 5:13 קהלתכם אשר בבבל הנבחרה אתכם ומרקוס בני שאלים לשלומכם׃

Kefa-Alef 5:14 שאלו איש את־רעהו לשלום בנשיקת אהבה שלום לכם כלכם אשר במשיח ישוע אמן׃